Díli, 24/02/2025, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz, Vise-Prezidente KE BTL, E.P ba Asuntu Tékniku, Sr. José Filipe Ximenes Smith no Vise-Prezidente KE BTL, E.P ba Asuntu Korporativu, Sr. Manuel Tomás Amaral de Carvalho hala’o enkontru regulár Komisaun Ezekutiva nian, iha sala reuniaun Ezekutivu BTL, E.P sentrál, Caicoli.
Reuniaun ne’e, hodi ko’alia kona-bá halo revizaun ba polítika viajen nian, guiaun auditoria interna BTL, E.P nian nomos diversus hosi KE hodi haree liu kona-bá operasionál iha BTL, E.P, ligadu ho jestaun rekursu umanu, implementasaun projetu sira ne’ebé la’o hela nomos oinsá iha faze implementasaun projetu foun sira ne’ebé sei lansa, iha tempu besik.
Iha enkontru Komisaun Ezekutiva nian ne’e, partisipa mos hosi Diretór Administrasaun no Finansas (DAF) ho ekipa, hodi halo aprezentasaun kona-bá revizaun ba polítika viajen nomos guiaun auditoria interna BTL, E.P nian
Prezidente KE BTL, E.P hatete, revizaun ba polítika viajen nian ne’e, tanba bazeia dekretu lei ezekusaun orsamentu tinan 2025 nian, nune’e polítika viajen nian tenke ajusta tuir dekretu lei ne’ebé mak iha.
Alen de ne'e, aprezentasaun kona-bá guiaun ba auditoria interna BTL, E.P nian ne’ebé mak durante ne’e eziste ona, hodi kompleta tan artigu balun ne’ebé mak importante, atu auditoria interna bele hala’o nia knaar tuir dekretu lei nú. 38 kona-bá auditoria interna nian nomos tuir padraun auditoria internasionál nian ne’ebé mak iha, atu nune’e auditoria interna bele halo nia servisu la inklina ba parte ida ou halo servisu ho imparsialidade, hodi fó apoiu máximu ba hadi'a jestaun hotu iha empreza públika ne’e.
Fahe ba Sosial Media:
