Díli, 03/07/2023, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Sistema Bee Saneamento no Drenagen, Gustavo da Cruz no Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, Elizabeth Amaral, partsipa serimónia resepsaun no entrega servisu husi Ministru Obras Públikas ho Vise Ministru Obras Públikas sesante ba Atual Ministru Obras Públikas, Dr. Samuel Marçal, Vise Ministru Infraestruturas,Júlio do Carmo no Sektretáriu Estadu Eletrisidade, Água no Saneamentu, Santos Noronha, serimónia ne’e hala’o iha Ministériu Obras Públikas, Caicoli.
Iha Serimónia resepsaun ne’e, Ministru Obras Públikas ho Vise- Ministru Obras Públikas sesante entrega relatóriu ba mandatu durante tinan lima nian, ba Ministru Obras Públikas, Vise- Ministru Obras Públikas no Sektretáriu Estadu Eletrisidade, Água no Saneamentu.
Iha oportunidade ne’e, Ministru Obras Públikas, Dr. Samuel Marçal hatete, sei servisu hamutuk dirijente sira iha Ministériu Obras Públikas, hodi serví povu no Nasaun ho di’ak, tamba ministériu ida ne’e, nia papel importante los, ne’eb’e liga direita ba nesesidade povu nian loron-loron, hanesan Ahi, Bee no Estrada, tamba ne’e persija servisu hamutuk hodi bele aselera prosesu dezenvolvimentu ba oin.
Fahe ba Sosial Media:
