Lautém, 05/02/2025, Vise-Prezidente Komisaun Ezekutiva BTL, E.P, ba Asuntut Tékniku, Sr. José Filipe Ximenes Smith, Vise-Prezidente Komisaun Ezekutiva BTL, E.P, ba Asuntu Korporativu, Sr. Manuel Tomás Amaral de Carvalho, akompana hosi Diretór O&M, Kordenadór BTL, E.P Lautém no Legál, hala'o reuniaun ho Prezidente Autoridade Munisípiu Lautém, Sr. Melio de Jesus, ne'ebé realiza iha Salaun Administrasaun Munisípiu Lautém.
Objetivu hosi sorumutu ne'e, Ezekutiva ho ekipa kumprimenta Prezidente Autoridade Munisípiu Lautém no aprezenta programa ka planu hirak, ne'ebé BTL, E.P planeia ona, atu implementa projetu bee iha postu administrativu sira, ne'ebé pertense ba Munisípiu Lautém no mos iha Kapitál Munisípiu Lautém.
Vise-Prezidente KE BTL, E.P, na Asuntu Tékniku mos husu ba PAM, atu apoia no kolabora servisu hamutuk, hodi dezenvolve setór bee no saneamentu iha munisípiu lautém.
Iha biban ne'e, Prezidente Autoridade Munisípiu Lautém, Melio de Jesus, lori estrutura no komunidade nia naran, hato'o agredese ba BTL, E.P nia prezensa, hodi halo kordenasaun servisu liga ba setór bee.
Prezidente ne'e afirma, importante maka halo komunikasaun no kordenasaun di'ak, ne'e PAM nia pozisaun klaru, ba programa no atividade saída de'it mak mai Lautém, simu ho fuan, tan ne'e iha kompremitidu kontribui.
"Iha lautém PAM ho komunidade no autoridade lokál no mos aman veteranu sira nafatin kolabora, tan ne'e sei laiha impedimentu ba projetu ruma, ne'ebé implementa iha rai lautém".
Prezidente Autoridade Munisípiu Lautém mos iha pedidu ida ba BTL, E.P, relasiona ho planu futuru, ne'ebé muda sidade lospalos ba fali iha área Kaicawa Moco, nune'e BTL, E.P mos bele halo levantamentu ba rekursu bee, hodi bele kanaliza ba fatin futuru Kapitál Munisípiu Lautém.
Fahe ba Sosial Media:
