Díli, 11/02/2025, Vise-Prezidente Komisaun Ezekutiva BTL, E.P, ba Asuntu Tékniku, Sr. José Filipe Ximenes Smith, Vise-Prezidente Komisaun Ezekutiva BTL, E.P, ba Asuntu Korporativu, Sr. Manuel Tomás Amaral de Carvalho, akompaña Diretór DEI BTL, E.P, João Cardoso, Diretór O&M BTL, E.P, Aleixo dos Santos, hala’o enkontru ho S.E Ministru Interior, Francisco da Costa Guterres, ne’ebé realiza iha Ministériu Interior.
Objetivu hosi sorumutu ne’e, Komisaun Ezekutiva BTL, E.P, atu halo kordenasaun servisu, ho Ministériu Interior, hodi bele forma ekipa konjunta ida, atu halo mudansa ba sistema bee iha territóriu nasionál. Tamba dala barak, BTL, E.P promove projetu bee iha munisípiu, postu administrativu to Suku, hasoru problema sosiál no mos sistema ezistente sira ne’e, komunidade individu balun, halo ligasaun bee la tuir padraun no utiliza bomba eletrika hodi supa bee, ne’ebé sei fo impaktu direita ba sistema hodi reduz presaun bee, ne’ebé sei implika ba populasaun sira labele asesu hotu bee.
Hosi diskusaun ne’e, S.E Ministru Interior apresia ho inisiativa hosi BTL, E.P ida ne’e, atu bele halo koperasaun servisy hamutuk, hodi mellora sistema bee moos iha territóriu nasionál. Tuir S.E Ministru Interior katak, ekipa Task Force iha Ministériu Interior ne’e estabelesidu ona, nune’e BTL, E.P bele inklina de’it iha ekipa konjunta ida ne’e, hodi bele ezekuta servisu.
BTL, E.P iha nesesariu duni hola parte mos iha ekipa konjunta ida ne’e, tamba dala barak BTL, E.P promove projetu bee iha fatin ruma, hasoru problema sosiál hanesan impedimentu ba projetu no mos sistema ezistente sira, ne’ebé maka durante ne’e komunidade individu balun halo pratika ligasaun bee la tuir padraun.
Fahe ba Sosial Media:
