Manatuto, 27/10/2023, Prezidente Komisaun Ezekutiva BTL, E.P, Eng. Carlos Peloi dos Reis, akompaña Vise-Prezidente KE BTL, E.P, ba Asuntu Sistema Bee Saneamentu no Drenagen, Gustavo da Cruz, Diretór Operasaun no Manutensaun BTL, E.P, Aleixo dos Santo, kordenadór BTL, E.P Munisípiu Manatuto ho ekipa, partisipa iha serimónia inaugurasaun programa reabilitasaun urjente ba Irigasaun, ne’ebé lokaliza iha Postu Administrativu Laleia.
Durante projetu ne’e, la’o JICA no BTL, E.P rasik akompaña husi inisiu to’o obra ne’e finaliza.
Serimnónia inaugurasaun ne’e, prezensa husi Ministru Obras Públika, Samuel Marçal, Ministru Agrikultura no Peskas, Prezidente JICA, Embaxadór Jepaun iha Timor-Leste, Reprezentante Administradór, entidade sira seluk, hodi inaugural ofisiál projetu reabilitasaun irigasaun refere. Infraestrutura ne’e hetan estragu, iha kalamidade 4 de abril 2021.
Ho estragu ne’e, liu husi parseiru JICA iha Timor-Leste apoia fundu JPY 1.000 billion, hodi hadi’a infraestrutura irigasaun iha Laleia, Maliana, Intake Tohumeta no seluk.
Iha serimónia ne’e, Governu Timor-Leste, hato’o agredesimentu bo’ot ba povu Jepaun, ne’ebé kontinua apoia, hodi kontribui ba prosesu dezenvolvimentu iha Timor-Leste.
Ministru Obras Públika, Samuel Marçal, husu ba komunidade sira, badinas servisu hala’I natar, nune’e bele hasa’e produsaun fos iha rai lara, atu bele bele faan iha territóriu nasionál no bele mos exporta ba rai liur.
Iha fatin hanesan Embaxadór Japan iha Timor-Leste, KIMURA Tetsuya, senti orna bo’ot, tamba bele partisipa mos iha serimónia inaugurasaun , programa reabilitasaun urjente ba infraestrutura, ne’ebé maka hetan estragu husi inaundasaun.
Timor-Leste sofre ba dezastre naturais boot hanesan inaundasaun no rai hala’i iha passadu, nune’e maka JICA ho inisiativa apoia hodi hadi’a infraestrtura hirak ne’e, atu bele ajuda populasaun sira, halo atividade vida agrikultura ho di’ak.
Fahe ba Sosial Media:
