Díli, 04/06/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Sistema Bee Saneamentu no Drenajen, Gustavo da Cruz, enkontru ho Diretór O&M BTL, E.P, Jestór O&M BTL, E.P, Jestór SOM, ho ekipa kordenadór destakadu sira iha zona 1-11 iha kapitál Díli, reuaniaun ne’e hala’o iha salaun enkontru Caicoli.
Iha enkontru ne’e, Komisaun Ezekutiva BTL, E.P avalia servisu durante fulan janeiru to’o mai inisiu fulan juñu ne’e, servisu barak ita konsege halo ona, maibé husu ba ekipa operasaun no manutensaun, atu kontinua mantein ispritu vontade no badinas, hodi lori bee ba komunidade sira, ne’eb’e sei halerik ba bee, liu iha kapitál Díli.
Ezekutivu mos rekoñese dezafiu no obstakulu sira BTL, E.P hasoru, maibé enkoraja nafatin ba parte tékniku hatudu nafatin servisu professional, hodi halo mudansa di’ak liu, kompara ho servisu iha tinan kotuk nian. Tamba ne’e atu servisu hirak ne’e hetan progresu di’ak, tenki iha liña kordenasaun no komunikasaun, ne’ebé di’ak, hodi bele rezolve neneik populasaun sira nia preokupasaun kona-bá bee moos.
Fahe ba Sosial Media:
