Díli, 20/06/2022. I Vise-Prezidente Komisaun Ezekutiva BTL, E.P, Sr. Gustavo da Cruz, partisipa iha enkontru ne’ebé organiza husi kolaborasaun entre United Nations Development Programme (UNDP) ho Sekretaria Estadu Protesaun Sivil (SEPS), ne’ebé maka realiza iha Salaun enkontru Kofi Annan UN Compound, Caicoli, Díli.
Enkontru ne’e, hodi ko’alia kona-bá sesaun temátika hodi diskute kona-bá esbosu mapa nasionál ba dezastre no risku iha Timor-Leste (TL), dadus ne’ebé mak uza no responsabilidade husi parseiru sira, (Thematic session to discuss draft national Multi-Hazard and Risk- Assessment (MHRA) maps, data needs and stakeholders’ role), kona-bá projetu Salvaguarda/Proteje Komunidade Rurál no sira nia Riku-soin Fíziku husi Dezastre ne’ebé kauzadu husi Mudansa Klimátika iha Timor-Leste” ne’ebé implementa husi GoTL. UNDP/GCF “Safeguarding Rural Communities and their Physical Assets from Climate Induced Disasters in Timor-Leste”.
Objetivu husi enkontru ne’e, atu entidade ou parseiru sira husi liña ministeriál ne’ebé marka prezensa iha diskusaun ne’e, bele rona aprezentasaun husi konsultór sira husi grupu Antea-HIVOS-EBD Global (J.V) kona-bá esbosu ou relatóriu preliminária mapeamentu ba dezastre no risku iha TL, nune’e entidade sira bele fó hanoin ou sujestaun ka komentáriu (feadback) kona-bá asuntu refere.
Durante iha enkontru ne’e, parte konsultór sira halo aprezentasaun via zoom, ba asuntu balun relasiona ho mapa nasionál ba dezastre no risku iha TL. Hafoin aprezentasaun, hetan mos feedback ou komentáriu fó hanoin husi partisipante ou entidade balun katak, mapa ida ne’e importante tebes, tamba nudár instrumentu ida ne’ebé hodi identifika risku no dezastre ne’ebé mosu iha territóriu nasionál, tamba ne’e husu parte hotu liu-liu instituisaun ou liña ministeriál sira-nia kooperasaun no kolaborasaun, hodi asegura funsaun sustentável husi mapa refere no nia utilizasaun wainhira projetu GCF ne’e remata.
Tuir project manager UNDP katak, konsege ultrapasa ona diskusaun lubuk ida, nune’e mós konsultór sira haruka ona esbosu (draft) relatóriu ne’e mai Timor-Leste hodi halo konsulta no hetan komentáriu husi liña ministeriál sira, kona-bá saida mak governu presiza atu sita iha relatóriu mapeamentu ba risku ne’e no ohin konsege hala’o enkontru no sei hein relatóriu tuir mai.
Daudaun ne’e, sira-nia ekipa balun iha ona terrenu, hodi halo peskiza ba suku 90, iha munisípiu 6, hanesan munisípiu Lautém, Viqueque, Baucau, Liquiça, Aileu no Ermera, fatin hirak ne’e, mak durante ne’e, identifikadu no konsidera hanesan fatin risku no afetadu ba dezastre naturais, nune’e informasaun ou dadus hirak ne’e, sei akumula hodi elabora ba mapeamentu ba risku iha Timor-Leste (TL).
Projetu ne’e, aprezenta husi konsultór husi ANTEA Group no partisipa husi Entidade sira ne’ebé mai husi, MOP, MPO, IPG MAE, MoFAC, MAF, MoPW, SSE, SEPS, BTL, E.P, ANAS, I.P, HIVOS, Meteorolojista NDMG, UNDP no partisipante sira seluk.
Fahe ba Sosial Media:
