Díli, 17/06/2022, I Vise-Prezidente K.E BTL, E.P akompaña husi Diretíor D.E.I no ekipa, hala’o enkontru ho Ekipa Grupu Tékniku Interministeriál (GTI) ne’ebé kompostu husi Diresaun Nasionál Servisu Kadastrais (DNSC, sigla portugés) husi Ministériu Justisa (MJ), Diresaun Nasionál Edifikasaun (DNE) husi Ministériu Obras Públikas (MOP), Diresaun Nasionál ba Irigasaun no Jestaun Utilizasaun Bee (DNIGUA, sigla portugés) husi Ministériu Agrikultura no Peska (MAP), Diresaun Nasionál Prevensaun Konflitu Komunitáriu (DNPKK) husi Ministériu Interiór (MI), hala’o enkontru, iha edifísiu sentrál BTL, E.P Caicoli.
Eknkontru ne’e ho objetivu hodi halo atualizasaun atividade GTI nian, kona-bá relatóriu tékniku no prosesu sira tuir mai hanesan negosiasaun no pagamentu ba komunidade afetada husi projetu Melloramentu Drenajen no Saneamentu iha Sidade Díli.
Durante iha enkontru ne’e, parte diresaun sira ne’ebé hola parte iha GTI ne’e, relata relatóriu tékniku ne’ebé rekolla ona no reklamasaun husi komunidade afetada sira, hafoin publikasaun relatóriu, iha sede suku Mascarenhas, Caicoli no Bebonuk.
Alende ne’e, parte diresaun sira mos hato’o sira nia prontidaun hodi servisu hamutuk ho BTL, E.P no husu atu aselera prosesu tomak, atu nune’e bele implementa lalais projetu refere iha kapitál Díli.
Nune’e mos, parte BTL, E.P apresia tebes ekipa sira hotu nia servisu no BTL, E.P husu ba ekipa ne’ebé hola parte iha GTI ne’e, atu nafatin kolabora no aselera prosesu hirak ne’e hotu, hodi bele hakat ba prosesu negosiasaun no pagamentu, tamba BTL, E.P mos hakarak atu projetu refere bele implementa lalais.
Fahe ba Sosial Media:
