Díli, 29/06/2022. I Vise-Prezidente Komisaun Ezekutiva (K.E) BTL, E.P, Sr. Gustavo da Cruz, hala’o enkontru ho ekipa Diresaun Operasionál no Manutensaun (D.O.M), ne’ebé kompostu husi Diretór D.O.M, Jestór D.O.M no Koordenadór Zona 3, iha salaun enkontru edifísiu sentrál BTL, E.P, Caicoli.
Enkontru ne’e ho objetivu, hodi atualiza progresu servisu, identifika no hato’o mos problema balun relasiona ho sistema bee moos, iha Zona 3 nian, nune’e hodi buka solusaun ba kestaun hirak ne’e, atu mellora di’ak liu tan, hodi garante fornesimentu bee moos ba komunidade sira.
Durante enkontru ne’e, Koordenadór Zona 3 no Jestór D.O.M hato’o kestaun balun liga ba sistema bee moos, ne’ebé presiza hadi'a hanesan melloramentu ba sistema bee ne'ebé komunidade balun estraga, ligasaun ilegál no mós konsumidór balun seidauk selu tarifa bee nian, maske instala ona metru kontadór iha sira-nia hela fatin.
Ho kestaun hirak ne'e, ezekutivu orienta atu kontinua maximiza servisu liu-liu ba melloramentu sistema bee moos no husu ba parte D.O.M no D.A.K atu servisu hamutuk hodi haree no hasa'e númeru kliente ba selu tarifa bee nian.
Durante ne’e distribuisaun bee moos ba komunidade sira iha área Suku Manleuana no Comoro mai husi sistema bee moos zona 3 nian.
Fahe ba Sosial Media:
