Díli, 16/08/2022, I Vise-prezidente Komisaun Ezekutiva BTL, E.P, Sr. Gustavo da Cruz, iha loron 15 fulan agostu tinan ne’e, hala’o enkontru koordenasaun ho membru Grupu Tékniku Interministeriál (GTI) nian ne’ebé kompostu hosi Diresaun Jerál Terras no Propriedades (DJTP) hosi Ministériu Justisa (MJ), Diresaun Nasionál Edifikasaun (DNE) hosi Ministériu Obras Públikas (MOP), Diresaun Nasionál ba Irigasaun no Jestaun Utilizasaun Bee (DNIGUA, sigla portugés) hosi Ministériu Agrikultura no Peska (MAP), Diresaun Nasionál Prevensaun Konflitu Komunitáriu (DNPKK) hosi Ministériu Interiór (MI), hala’o enkontru, iha edifísiu sentrál BTL, E.P Caicoli.
Enkontru ne’e ho objetivu hodi halo atualizasaun ba atividade GTI nian, kona-bá relatóriu tékniku no prosesu sira tuir mai hanesan negosiasaun ho komunidade afetada husi projetu Melloramentu Drenajen no Saneamentu iha Sidade Díli, hafoin simu tiha relatóriu hosi DGTP-MJ no MAP nian.
Perante iha enkontru ne’e, I Vise-Prezidente K.E BTL, E.P apresia ba ekipa GTI no husu ba ekipa BTL, E.P atu hakbesik ba DJTP, hodi ko’alia kona-bá prosesu negosiasaun, hodi nune’e bele aselera lalais prosesu refere.
Tuir informasaun hosi Jestór Peskiza, Projetu no GIS, Diresaun Enjeñaria no Investimentu (D.E.I) katak, molok hakat ba faze pagamentu nian, ekipa sira ne’ebé hola parte iha GTI sei halo uluk negosiasaun ho komunidade afetada, wainhira komunidade sira aseita ona, mak foin bele hakat ba faze pagamentu nian.
Fahe ba Sosial Media:
