Díli, 12/07/2022, I Vise-Prezidente Komisaun Ezekutiva BTL, E.P, Sr. Gustavo da Cruz hala’o enkontru ho ekipa ida husi D.O.M ne’ebé kompostu husi Jestór D.O.M no Koordenadór Zona 4 ho ekipa, iha salaun enkontru, edifísiu sentrál BTL, E.P, Caicoli, Díli.
Enkontru ne’e, ho objetivu hodi atualiza progresu servisu, identifika no hato’o problema balun relasiona ho sistema bee moos, iha Zona 4 nian, nune’e hodi buka solusaun ba kestaun hirak ne’e, hodi hadi’a di’ak liu tan, nune’e bele garante fornesimentu bee moos ba komunidade sira ne’ebé durante ne’e asesu bee husi Zona 4 nian.
Perante iha enkontu ne’e, Jestór D.O.M no Koordenadór Zona 4 hato’o mos kestaun balun liga ba sistema bee moos, ne’ebé mak presiza hadi’a melloramentu sistema ne’ebé komunidade balun halo koneksaun ilegál nomos komunidade balun seidauk selu tarifa maske instala ona metru kontadór no ema balun mos seidauk hetan metru kontadór, presiza halo instalasaun nune’e bele arrekada taxa.
Ho kestaun hirak ne’e, Ezekutivu anota hodi buka solusaun ba problema ne’ebé Jestór ho Koordenadór sira hato’o ona, no Ezekutivu mos fó orientasaun ba ekipa atu kontinua aumenta volume servisu, liu-liu kona-bá melloramentu sistema bee moos, atu nune’e bele aumenta mos númeru kliente ne’ebé selu tarifa bee, iha Zona refere.
Área hirak ne’ebé durante ne’e, asesu bee husi husi Zona 4 mak aldeia hamutuk 58, husi husi suku 8 ne'ebé kompostu husi suku Caicoli, Bairo-Pite, Colmera, Mascarenhas, Villa-Verde Motael no suku sira seluk.
Tuir ajenda I Vise-Prezidente K.E BTL, E.P mos, sei hala’o enkontru ho Jestór D.O.M no Koordenadór husi Zona sira seluk ne’ebé estabele ona iha kapitál Díli, hodi bele rona progresu servisu, dezafiu no oinsa bele solusiona nomos foti medida ou asaun imediata ba problema sistema abastesimentu bee moos, iha kapitál Díli.
Fahe ba Sosial Media:
