Governu TL Halo Negosiasaun ho ADB Kona-bá Díli West Water Supply Project.
Díli, 16/08/2022. Prezidente Komisaun Ezekutiva BTL, E.P, Eng. Carlos Peloi dos Reis, akompaña mós husi Diretór enjeñaria no Investimentu BTL, E.P, no PMU BTL, E.P, partisipa iha enkontru negosiasaun entre governu Timor-Leste ho ADB.Enkontru ida ne'e hala'o durante loron rua, hahu iha loron 15-16 fulan Augustu tinan ida ne'e. Enkontru ne'e rasik realiza iha Ministériu Finansas, Aitarak Laran.
Prosesu Kontinuasaun ba negosiasaun ida ne'e, hodi buka soluusaun atu bele hatene mudansa orsamentu ba kada setór balun, nune'e ekipa ADB bele avalia fila fali, molok enkamina ba governu hodi deside.
Perante diskusaun loron rua ne'e, orsamentu mantein nafatin ho montante millaun 155, ne'ebé sei liu husi programa empréstimu ADB, atu finansia ba Díli West Water Supply Project.
Enkontru no diskusaun iha loron dá-huluk, lidera husi Vise Ministru Finansas no partisipa mós husi Diretór Jerál Ministériu Finansas, reprezentante husi MOP, MNEC, NPC no BTL, E.P rasik.
Fahe ba Sosial Media:
