Díli, 03/07/2024. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Sistema Bee, Saneamentu Sr. Gustavo da Cruz hetan entrevista hosi estudante UNTL, Fakuldade Siénsia Sosiál (FSS), Departamentu Komunikasaun Sosiál (KS) ne’ebé akompaña hosi formadór sira. Entrevista ne’e, hala’o iha sala reuniaun Ezekutiva BTL, E.P, Caicoli.
Objetivu hosi entrevista ne’e, treina estudante sira nia abilidade kona-bá maneira oinsá atu entrevista ou halo komunikasaun ho di’ak ho fontes informasaun sira no oinsá uza ekipamentu dijitál ou kámera hodi halo entrevista, hafoin hetan formasaun hosi formadór sira, ida ne’e hanesan bukae ba sira, molok hakat ba vida profisionál. Iha entrevista ne’e, estudante sira husu kona-bá asuntu sira ligadu ho setór bee, liu-liu servisu BTL, E.P nian no área kobertura BTL, E.P nian inklui intervensaun BTL, E.P nian ba fatin balun ne’ebé seidauk asesu ba bee moos.
Estudante sira mos agradese ba Vise-Prezidente KE BTL, E.P nia disponibidade ne’ebé bele hato’o ou fahe ona informasaun sira liga ba setór bee nian.
Fahe ba Sosial Media:
