Díli, 14/11/2022, I Vise-Prezidente Komisaun Ezekutiva (K.E) Bee Timor-Leste, Empreza Públika (BTL, E.P) enkontru ho The chief executive officer (CEO), Manager no ekipa China Nuclear Industry 22ND Construction Co,LTD (CNI 22ND), iha I Vise-Prezidente K.E nia knaar fatin, edifísiu sentrál BTL, E.P, Caicoli.
Objetivu hosi enkontru ne’e mak ekipa hosi CNI22 hato’o agradesimentu no sira apresia tebes ba Governu Timor-Leste (GovTL) nia konfiansa ne’ebé fó ba sira, liuhosi BTL, E.P, hodi halo servisu operasaun no manutensaun ba sistema bee moos, iha munisípiu Manatuto Villa, ne’ebé mak finaliza no sistema ne’e rasik muda ba sistema urbana katak, hahú hosi bee matan, instalasaun metru kontadór ba kliente sira-nia hela fatin, operasaun nomos halo sistema billing system.
Alende ne’e, BTL, E.P mos apresia no agradese ba CNI22, tamba sira bele ezekuta ona servisu ba projetu kona-bá operasaun no manutensaun ba sistema bee moos, iha Manatuto ho di’ak no entrega ona mai BTL, E.P, hodi jere sistema refere, nune’e bele halo atendimentu ba komunidade sira, iha munisípiu Manatuto, liu-liu kona-bá bee moos.
Durante iha enkontru ne’e, ekipa ne’e mos hato’o sira-nia prontidaun no sira iha esperansa katak, iha futuru bele iha tan kooperasaun ne’ebé di’ak, hodi bele kompete iha projetu foun ne’ebé mak BTL, E.P sei promove tuir mai iha futuru.
Iha oportunidade ne’e, ho mudansa ba sira-nia jerente iha TL nian, nune’e ekipa refere aprezenta mos sira-nia manager foun TL ba BTL, E.P.
Fahe ba Sosial Media:
