Díli, 15/02/2023, Prezidente Komisaun Ezekutiva (K.E) Bee Timor-Leste, Empreza Públika (BTL, E.P) Eng. Carlos Peloi dos Reis, hamutuk ho I Vise-Prezidente K.E BTL, E.P no II Vise-Prezidente K.E BTL, E.P, enkontru ho Konsultór hosi ADB kona-bá sistema integradu ho naran Information Management System (IMS) - Enterprise Resource Planning (ERP) ne’ebé koñesidu ho naran NetSuite, enkontru ne’e rasik, realiza iha sala reuniaun Ezekutivu, edifísiu sentrál BTL, E.P, Caicoli, Díli.
Objetivu hosi enkontru ne’e, hodi atualiza sistema integradu ho naran Information Management System (IMS) - Enterprise Resource Planning (ERP)-NetSuite ne’e ba faze datoluk nian.
Durante iha enkontru ne’e, parte ADB no TEQSuit halo aprezentasaun ou demonstrasaun kona-bá IMS-ERP (NetSuite), hodi esplika ba Ezekutivu sira, kona-bá oinsá atu akompaña ou monitoriza prosesu tomak kona-bá tranzasaun dadus sira hosi parte DAF, Rekursu Umanu no Aprovizionamentu nian, tuir faze ida-idak, molok Ezekutivu sira halo aprovasaun ba dokumentu ruma, liuhosi sistema integradu ne’e rasik.
Sistema refere estabelese no lansa ona iha BTL, E.P, hodi fasilita servisu sira ne’ebé eziste iha BTL, E.P. Enkuantu daudaun ne’e atualizasaun ba sistema ne’e rasik hakat ona ba faze datoluk nian. no tuir planu sei halo mos demonstrasaun ba Departamentu sira seluk, atu nune’e bele entende kona-bá oinsa halo tranzasaun dadus sira ba iha sistema ne’e.
Sistema NetSuite hanesan aplikativu konjuntu ou módulu integradu ida, hodi halo jestaun ba prosesu prinsipál hosi negósiu, finansas no kontabilidade, rekursu umanu, aprovizionamentu, GIS, Billing System, Meter Reading no seluk tan, katak sistema informasaun ne’ebé interligadu dadus hotu no prosesu ba sistema ida. Tanba ne’e, BTL, E.P hakarak uza sistema NetSuite ne’e, hodi fasilita servisu ho di’ak, efisiente no efetivu, nune’e bele minimiza burokrasia no iha transparánsia.
Fahe ba Sosial Media:
