Baucau, 27/09/2022. Ekipa tékniku operadór Bee Timor-Leste Empreza Públika, Installa bee moos iha área Kampu Dubu-Uai, iha Suku Laisoru Lai de baixo, Postu Administrativu Quelicai.
Bee Timor-Leste Empreza Públika hetan pedidu husi komisaun organizadora, relasiona ho serimónia atu haloot restu mortais iha Postu Quelicai, ho nune'e ekipa tékniku operadór tun ba terrenu, hodi installa bee.
Ekipa tékniku operadór simu orientasaun husi superior ba hala’o servisu, hodi installa bee ida ne’e, atu nune'e bele fasilita ba partisipante sira iha serimonia halot restus mortais bele utiliza ba nesesidade sira, iha ámbitu serimónia ne’e.
Ekipa tékniku operadór BTL, E.P Nasionál hamutuk ho tékniku operadór munisípiu Baucau halo esforsu ida ne’e, durante loron rua, konsege lori ona bee to’o iha fatin serimónia nian.
Enkuantu ekipa installa kanu husi rezervatóriu primeiru to’o iha rezervatóriu segundu ne’e, ho distánsia kilomentru hitu.
Serimónia haloot restu mortais ida ne’e, sei realiza iha loron 30 fulan Setembru, tinan ne'e, no sei partisipa husi entidade oi-oin no mós komunidade sira.
Fahe ba Sosial Media:
