Díli, 23/08/2022, Jestora ho ekipa hosi Departamentu Rekursu Umanu (RH, sigla protugés), organiza enkontru ho Jestór sira hosi Departamentu hotu, iha BTL, E.P. No reunaiun ne’e rasik, realiza iha salaun enkontru edifísiu sentrál BTL, E.P, Caicoli, Díli.
Enkontru ne’e, hodi ko’alia ou sosializa kona-bá prosesu avaliasaun dezempeñu ba funsionáriu sira, iha tinan 2022 ne’e no esplika ba jestór sira, kona-bá oinsa atu prienxe formuláriu tuir formatu sira ne’ebé sei prepara hosi parte RH nian no formatu formuláriu ba avaliasaun dezempeñu ne’e rasik iha tipu rua.
Iha atividade sosializasaun ne’e, parte RH esplika kona-bá formatu formuláriu ne’ebé diferente, katak, formatu formuláriu ba funsionáriu ne’ebé foun la hanesan ho formatu ba funsionáriu sira ne’ebé kompleta ona tinan ida, hala’o knaar iha BTL, E.P. Tamba ne’e, ba funsionáriu sira ne’ebé mak seidauk to’o tinan no sira ne’ebé kompleta ona tinan, sei hetan formuláriu ne’ebé diferen no tenke prienxe tuir kritéria ne’ebé mak sei prepara iha formuláriu refere.
Tuir ajenda, aban enkontru ne’ebé hanesan, sei kontinua ho Koordenadór BTL, E.P nian hosi munisípiu sira, atu bele esplika ba Koordenadór sira, nune’e sira bele entende, maneira oinsá atu prienxe formuláriu tuir formatu ne’ebé mak eziste.
Fahe ba Sosial Media:
