Díli, 01/12/2023, Prezidente Komisaun Ezekutiva BTL, E.P, Eng. Carlos Peloi dos Reis, akompaña Vise-Prezidente Komisaun Ezekutiva BTL, E.P ba Asuntu Sistema Bee Saneamentu no Drenagen, Gustavo da Cruz, simu ekipa husi Ministériu Finanças, ne’ebé halo konsultasaun ba entidade BTL, E.P, hodi bele hatene separasaun de poderes iha instituisaun empreza ne’e, enkontru ne’e hala’o iha Salaun Komisaun Ezekutiva BTL, E.P, Caicoli.
Tuir ekipa husi MF ne’e esplika katak, iha insituisaun balun Konsellu Administrasaun mos dala ruma involve direita iha Komisaun Ezekutiva, tamba ne’e hare katak ladun balansu, wainhira atu foti desizaun ruma. Konsellu Administrasaun ne’e separa tiha, hodi bele halo kontrolu maxímu ba komisaun ezekutiva sira ho di’ak, nune’e servisu bele la’o efetivu liu tan.
Komisaun ezekutiva BTL, E.P atualiza servisu durante ne’e ba ekipa MF ho mudansa ne’ebé iha, ekpa MF apresia ho Empreza Públika ida ne’e, tamba konsege kolekta ona reseita ba estadu no mos iha ona Busness Plan ka Planu negósiu.
Fahe ba Sosial Media:
