Ermera, 17/12/2022, Ekipa Bee Timor-Leste, Empreza Públika (BTL, E.P) Nasionál akompaña hosi tékniku operadór BTL, E.P munisípiu Ermera, halo levantamentu dadus tékniku ba rekursu no sistema bee iha Railaco, hodi kontinua halo melloramentu ba sistema ezistente, hodi kanaliza bee ba komunidade sira, iha postu-administrativu Railaco, munisípiu Ermera.
Atividade levantamentu dadus ne’e, hahú hosi loron 14 to’o loron 16 fulan dezembru tinan ne’e, ho objetivu hodi akumula dadus sira hotu, liu-liu hanesan sistema bee no rekursu bee, iha postu-administrativu refere, hodi hatene débitu bee iha fatin ne’e, hafoin sei halo análize hidrólika, halo dezeñu no hodi prepara mos BoQ, atu bele prepara ba nia implementasaun.
Tuir informasaun katak, BTL, E.P sei kontinua halo melloramentu ba sistema bee iha Railaco, maibé liga ba sistema bee ne’ebé la sufisiente mak, ekipa DEI sei halo planu no análize, hodi foti mos bee matan hosi mota oan ne’ebé lokaliza iha P.A Railaco, nune’e hodi reforsa sistema ezistente ne’ebé BTL, E.P planea sei halo melloramentu, atu nune’e sei kanalizasaun bee ba komunidade sira iha Ermera, liu-liu bai ha postu-administrativu Railaco.
Molok tun ba terrenu hodi foti dadus tékniku ne’e, ekipa D.E.I halo uluk koordenasaun ho BTL, E.P munisípiu Ermera no kontinua hala’o enkontru ho Autoridade lokál sira no SAS Railaco hodi koordena no introduz prezensa ekipa BTL, E.P nian iha fatin ne’e no informa mos planu servisu BTL, E.P nian ne’ebé sei implementa iha postu ne’e, ho introdusaun hosi ekipa BTL, E.P nian, autoridade lokál sira sente kontente, apresia no prontu atu koopera ho BTL, E.P, iha nia implementasaun, iha futuru.
Fahe ba Sosial Media:
