Manatuto, 03/09/2022, Ekipa Bee Timor-Leste, Empreza Públika (BTL, E.P) Nasionál akompaña hosi ekipa BTL, E.P munisípiu Manatuto, iha loron 30 fulan setembru tinan ne’e, halo verifikasaun no monitorizasaun ba projetu Emergency Supply & Gabion Construction for Weten Transmition Pipeline, iha suku Aiteas, postu-administrativu Manatuto-Villa, munisípiu Manatuto.
Objetivu hosi verifikasaun no monitorizasaun ba projetu ne’e, hodi hatudu fatin melloramentu bee matan Weten, fatin konstrusaun ou monta gabion no dada pipeline hirak ne’e ba kontratór sira ne’ebé mak manan ona projetu refere, hodi hahú nia konstrusaun fíziku.
Tuir informasaun hosi ekipa BTL, E.P katak, bee matan Weten no pipeline ne’ebé estraga ne'e, kauza hosi inundasaun ne’ebé akontese iha loron 4 fulan Abril tinan liu ba, hafoin finaliza prosesu lubuk ida no ohin konstrusaun fíziku hahú implementa ona ho durasaun tempu fulan neen.
Entretantu orsamentu ne’ebé hodi finansia ba projetu sistema bee ne’e, aloka hosi Fundus Infraestrutura (FI).
Fahe ba Sosial Media:
