Manufahi, 20/10/2022, ETékniku Operadór (T.O) Bee Timor-Leste, Empreza Públika (BTL, E.P) munisípiu Manufahi, identifika kanu distribuisaun bee DN 100, ne’ebé ku’ak, iha aspal okos, iha estrada ne’ebé lokaliza iha aldeia Rialau, suku Letefoho, postu-administrativu Same, munisípiu Manufahi, nune’e halo bee sulin estraga iha fatin ne’e.
Nune’e atu hadi’a liña distribuisaun ne’ebé estragu ou ku’ak ne’e, tékniku sira tenke ke’e sai aspal hodi bele halo manutensaun ou solda kanu refere.
Tuir informsaun hosi Koordenadór BTL, E.P Manufahi katak, kanu distrubuisaun ne’e ku’ak durante loron rua, nune’e difikulta fornesimentu bee ba komunidade sira ne’ebé durante ne’e asesu bee hosi liña distribuisaun ne’e, maibé hafoin identifika tékniku Koordenadór orienta kedas tékniku sira hodi halo hadi’a estragu ne’e. Hafoin finaliza manutensaun, tékniku sira bele fornese hikas bee ba komunidade sira
Fahe ba Sosial Media:
