Ainaro, 05/10/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Ainaro hamutuk ho traballadór mão de obra kontinua halo servisu hanesan ke’e rai no monta ou hakoi kanu distribuisaun bee, iha área suku Soro, postu-administrativu Ainaro Villa, munisípiu Ainaro.
Tuir informasaun hosi BTL, E.P munisípiu Ainaro katak, hafoin monta tiha liña distribuisaun bee ne’e, BTL, E.P Ainaro planeia hela, atu halo ligasaun bee foun ba komunidade sira iha área ne’e, hodi instala mos metru kontadór.
“Ita planu atu halo ligasaun foun hosi kanu distribuisaun 2inch ne’e, ba uma kain 50 hosi suku Soro, postu-administrativu Ainarto Villa, maibé depende ba materiál ligasaun foun no metru kontadór. Maibé agora sei hela metru 300 hanesan mak mak foin to’o ba komunidade uma kain 50, ne’ebé ita la’o faze por faze”, dehan Koordenadór BTL, E.P Ainaro.
Daudaun ne’e, tékniku sira sei prepara hela asesoris hodi monta metru kontadór, atu bele instala tan ba komunidade sira ne’ebé seidauk hetan metro kontadór, atu nune’e, bele halo kontrolu ba bee no bee bele sufisiente ba ema hotu.
Entretantu antes ne’e, tékniku BTL, E.P instala ona metru kontadór hamutuk unidade 200 resin ba komunidade uma kain 200 resin, ba iha Zona tolu hanesan Zona 1 instala metru kontadór unidade 21, Zona 2 unidade 68 no ba Zona 3 unidade 125.
Fahe ba Sosial Media:
