Díli, 24/11/2022, Tékniku Operadór (T.O) Bee Timor-Leste, Empreza Públika (BTL, E.P) Zona 2 hamutuk ho traballa Mão de Obra (MdO) halo melloramentu ba sistema bee, iha aldeia Ramelau Delta, suku Comoro, munisípiu Díli.
Tékniku sira kontinua halo servisu melloramentu, iha aldeia ida-idak, tuir planu BTL, E.P nian, hodi garante bee bele sufisiente ba ema hotu, maske liuhosi prosesu ne’ebé lubuk ida, maibé BTL, E.P esforsu hodi atinji planu ne’ebé iha.
Atividade melloramentu ne’e, hanesan troka torneira aat, stop kran aat, hakotu koneksaun bee ilegál hanesan abitante balun uza sanyo hodi dada bee no koneksaun direta liuhosi kanu transmisaun no distribuisaun sira, Enkuantu aktu koneksaun ilegál ne’e, fó impaktu direta ba presaun bee ou hamenus presaun bee, ikus mai ema seluk labele hetan bee ou bee la to’o ba konsumidór sira seluk, tamba ne’e, liuhosi atividade melloramentu ne’e, tékniku sira sei dezliga hotu ligasaun ilegál sira ne’e no planea hodi instala fila-fali metru kontadór ba komunidade sira nia hela fatin.
Alende ne’e, durante iha atividade melloramentu ne’e, tékniku sira dezliga mos konsumidór sira-nia ligasaun bee ne’ebé dupla, nomos ligasaun bee ne’ebé la liuhosi metru kontadór, nune’e bele instala metru kontadór, inklui hadi’a mos ligasaun bee ba komunidade sira-nia uma, tékniku sira hadi’a sistema bee ne’e tuir padraun BTL, E.P nian.
Tuir informasaun hosi tékniku sira katak, ohin konsege halo melloramentu ba uma kain 15 no aban sei kontinua atividade melloramentu iha aldeia refere.
Fahe ba Sosial Media:
