Díli, 24/11/2022, Tékniku Operadór (T.O) Bee Timor-Leste, Empreza Públika (BTL, E.P) Zona 2 halo melloramentu ba sistema bee, iha aldeia 30 de Agosto, munisípiu Díli.
Tékniku sira kontinua halo servisu melloramentu, iha aldeia ida-idak, tuir planu BTL, E.P nian, hodi garante bee bele sufisiente ba ema hotu, maske liuhosi prosesu ne’ebé lubuk ida, maibé BTL, E.P esforsu hodi atinji planu ne’ebé iha.
Tékniku sira halo melloramentu hanesan, troka metru kontadór sira ne’ebé aat, hadi’a no monta fila-fali kontadór ne’ebé komunidade balun sobu ona.
Alende ne’e, tékniku sira mos identifika katak, iha abitante balun sira-nia metru kontadór lakon, nune’e sira instala fila-fali foun. Tékniku sira halo melloramentu ba sistema bee ne’e, tuir padraun BTL, E.P, atu nune’e bee bele to’o ba ema hotu.
Tuir informasaun hosi tékniku sira katak, ohin konsege halo melloramentu ba uma kain neen no atividade melloramentu ne’e sei kontinua iha aldeia refere, ahfoin remata mak foin kontinua ba ladeia sira seluk.
Fahe ba Sosial Media:
