Lautém, 10/10/2022, Ekipa Bee Timor-Leste, Empreza Públika (BTL, E.P), munisípiu Lautém kompostu hosi Koordenadór no Tékniku Operadór sira hala’o konsultasaun servisu ho Administradór postu-administrativu Lautém, munisípiu Lautém kona-bá planu projetu melloramentu sistema bee moos iha postu-administrativu refere.
Objetivu hosi konsultasaun ne’e, hodi foti dadus populasaun sira ne’ebé hela iha kapitál postu, hodi sai sasukat, wainhira projetu kona-bá melloramentu sistema bee moos hahú bele hafásil tékniku hodi halo dezeñu.
Tuir informasaun hosi BTL, E.P munisípiu Lautém katak hafoin remata enkontru ou konsultasaun ne’e, ekipa BTL, E.P kontinua halo identifikasaun dadus liuhosi xefe bairo sira hanesan iha bazar, eskola EBF, EBC, ESG, ospitál no igreja ne’ebé perténsia iha postu refere ho totál abitante hamutuk rihun rua resin (2383).
Fahe ba Sosial Media:
