Díli, 25/01/2023, Ekipa Bee Timor-Leste, Empreza Públika (BTL, E.P) Nasionál, kompostu hosi Diresaun Operasionál no Manutensaun (DOM), Projetc Management Unit (PMU) BTL, E.P, Diresaun DEI halo enkontru koordenasaun ho Ajénsia Dezenvolvimentu Nasionál (ADN) no Água de Portugal AdP nomos ekipa Konsultór hosi Portugal ne’ebé partisipa via online, kona-bá Dezeñu Detalladu (Detailed Engineering Design -DED) ba munisípiu Baucau, Lautém, Manufahi no Viqueque. Reuniaun ne’e realiza iha salaun enkontru BTL, E.P, iha edifísiu sentrál, Caicoli.
Reuniaun ne’e ho objetivu, hodi ko’alia ou halo verifikasaun kona-bá DED ba Projetu Sistema Bee Moos ne’ebé sei implementa iha kapitál munisípiu haat, hanesan munisípiu Baucau, Lautém, Manufahi no Viqueque, molok hakat ba faze sira tuir mai.
Durante iha reuniaun ne’e, parte ADN halo ona verifikasaun, maibé presiza klarifikasaun detalla hosi ekipa Konsultór Portugál nian, kona-bá kalkulasaun volume servisu sira.
Fahe ba Sosial Media:
