Díli, 21/09/2022, Diretór Diresaun Enjeñaria no Investimentu (D.E.I) Bee Timor-Leste, Empreza Públika (BTL, E.P), Sr. Aleixo dos Santos ho ekipa nomos PMU BTL, E.P hala’o enkontru ho kompañia H2O no Expert hosi Indonézia, iha edifísiu sentrál BTL, E.P, Caicoli.
Enkontru ne’e, hodi ko’alia no halo aprezentasaun kona-bá rezultadu teste geolistrik ba prosesu perfurasaun sistema bee, iha postu administrativu Luro, munisípiu Lautém ne’ebé kompañia H2O koko halo perfurasaun maibé la hetan bee, nune’e kompañia rasik aranja expert hosi Indonézia no haruka expert ne’e, hodi halo teste jeoelétriku (geolistrik) ou reverifika bee iha Luro, hafoin halo reverifikasaun konsege hetan rezultadu no ohin mai aprezenta iha BTL, E.P, nune’e hodi hetan rekomendasaun hosi BTL, E.P kona-bá rezultadu estudu refere.
Hafoin aprezentasaun, BTL, E.P mos rekomenda ba kompañia, atu kontinua fila-fali halo perfurasaun, bazeia ba rezultadu estudu ne’ebé mak expert ne’e halo ou finaliza ona.
Alende ne’e, parte rua ne’e mos, ko’alia kona-bá projetu sistema bee moos iha Leorema, munisípiu Liquiça, tamba iha mudansa fatin instalasaun bee, ho razaun komunidade ou rai na’in la fó fatin ou ra,i hodi halo halo instalasaun bee refere, nune’e ho mudansa fatin ne’e, tékniku sira tun fila-fali ba terrenu, hodi halo reverifikasaun ba fatin foun ne’ebé mak autoridade lokál sira rekomenda, hodi bele halo instalasaun sistema bee, iha Leorema, munisípiu Liquiça.
Fahe ba Sosial Media:
