Manatuto, 19/08/2022, Ekipa BTL, E.P munisípiu Manatuto, ne’ebé kompostu hosi Koordenadór no Ofisiál Administrasaun no Finansas BTL, E.P hala’o enkontru ho Administradór postu-administrativu munisípiu Manatuto, iha salaun enkontru, edifísiu administrasaun Manatuto.
Objetivu hosi enkontru ne’e, mak BTL, E.P Manatuto hato’o sira-nia pedidu ba Administradór munisípiu Manatuto, atu hasai ou hatun sirkulár, hodi hato’o kada instituisaun públiku iha Manatuto, hodi bele kontribui reseitas liuhosi selu tarifa bee moos.
Koordenadór BTL, E.P Manatuto hatete, hafoin BTL, E.P Manatuto hato’o tiha pedidu ne’e, Administradór konkorda no prontu atu servisu hamutuk ho BTL, E.P Manatuto, hodi hatun sirkulár ba instituisaun Estadu ida-idak ne’ebé eziste iha munusípiu refere.
“Ohin, ami hala’o enkontru ho administradór Manatuto nian, hodi husu ba administradór atu hasai sirkulár ida hodi hato’o ba diretór ka kargu xefia sira, iha liña ministeriál sira, atu tau hamutuk osan, hodi bele tau hamutuk osan ba asuntu refere, signifika katak, atu instituisaun públiku sira iha Manatuto ne’ebé durante ne’e asesu ona bee, sira bele selu tarifa bee moos no Administradór mós aseita no prontu atu servisu hamutuk ho ita (BTL, E.P), tamba ne’e, ami apresia tebes tamba Administradór bele tau iha konsiderasaun hodi aseita ona, ami nia pedidu ne’e”, dehan Koordenadór BTL, E.P Manatuto.
Entretantu tuir informasaun hosi Koordenadór BTL, E.P Manatuto katak, totál instituisaun Governu nian, iha munisípiu Manatuto hamutuk 34.
Fahe ba Sosial Media:
