Baucau, 31/01/2023, Ekipa Bee Timor-Leste, Empreza Públika (BTL, E.P) munisípiu Baucau, kompostu hosi Tékniku Operadór (TO) no Estajiáriu hosi Sentru Formasaun Carlos Gamba Fatumaca, halo manutensaun ba liña distribuisaun bee ne’ebé intupidu, iha área Uatulete, munisípiu Baucau.
Kanu distribuisaun bee ne’ebé intupidu ne’e, tékniku no estajiáriu sira identifika plástiku no hena aat mak nakonu iha kanu laran, nune’e rezulta sirkulasaun bee la’o la normál, hodi afeta ba komunidade sira ne’ebé asesu bee hosi kanu distribuisaun refere labele asesu bee inklui idifísiu Estadu balun labele asesu bee ho normál.
Ho estragus ne’e, ekipa BTL, E.P hamutuk ho estajiáriu sira mobiliza materiál hodi halo intervensaun ba kanu ne’e, nune’e bele garante fornesimentu bee ba konsumidór sira. Durante hala’o servisu iha terenu tékniku sira konsege rezolve estragus ne’e no kliente sira bele asesu hikas bee hosi liña distribuisaun ne’e.
Hafoin finaliza servisu manutensaun ba kanu distribuisaun ne’e, tékniku sira kontinua halo ligasaun foun ba edifísiu Agrikultura munisípiu Baucau nian, enkuantu servisu fíziku daudaun ne’e la’o hela iha terenu no seidauk finaliza.
Fahe ba Sosial Media:
