𝐃𝐢́𝐥𝐢, 𝟏𝟐 𝐌𝐚𝐫𝐬𝐮 𝟐𝟎𝟐𝟔. Ekipa téknika hosi Departamentu Apoiu Kliente (DAK) BTL, E.P halo aproximasaun ho kliente sira, iha aldeia Culau Laletek, suku Ailok nomos aldeia Metin, suku Lahane Oriental, hodi rekolla tarifa bee hosi kliente sira.
Prezensa ekipa DAK balkaun móvel iha aldeia hirak ne’e, atu fasilita halo atendimentu ba kliente sira ne’ebé durante ne’e, asesu ona bee, hosi sistema kanalizasaun BTL, E.P nian, hodi halo pagamentu ba tarifa bee.
Durante halo atendimentu iha terrenu, kliente sira koopera di’ak tebes, hodi selu tarifa bee, tanba sira asesu ona bee ho regularmente. Maibé konsumidór balun rekomenda ba tékniku BTL, E.P nian, atu kontrola bee regulár, nune'e bele hadi’a kanu kanalizasaun ne'ebé kotu nomos metru kontadór la funsiona ou aat.
Ligadu ba rekomendasaun ne’e, ekipa DAK anota no sei hato’o ba parte O&M nian, hodi bele haree no tau atensaun ba rekomendasaun hirak ne’e.
Prosesu rekolla tarifa ohin, iha aldeia Culau Laletek no Metin, observa direta hosi parseiru JICA 𝐻𝑒𝑎𝑑𝑞𝑢𝑎𝑟𝑡𝑒𝑟 no JICA Timor-Leste.
Fahe ba Sosial Media:
