Díli, 13/10/2022, Diretór Diresaun Enjeñaria no Investimentu (D.E.I) Sr. Aleixo dos Santos, akompaña hosi Jestor ba Peskiza, Projetu no GIZ nomos Jestór Infraestrutura hala’o enkontru trimestrál ho Enjeñeiru sira hosi D.E.I, iha salaun enkontru edifísiu sentrál BTL, E.P, Caicoli.
Enkontru ne’e, hodi halo avaliasaun ba progresu servisu ne’ebé atinji ona durante QTR 3 nian, hosi rezultadu atinjimentu servisu hirak ne’e, Diretór D.E.I nafatin enkoraja Enjeñeiru sira atu nafatin halo servisu hodi maximiza volume servisu atu nune’e bele atinji alvu (target) ne’ebé iha.
Perante iha enkontru ne’e, Diretór fó parabens ba Enjeñeiru no apresia tebes ho Enjeñeiru sira-nia servisu sira, tamba planu servisu ou atividades ba melloramentu sistema bee ba iha postu-administrativu hotu iha Timor-Leste (TL) ne’ebé Komisaun Ezekutiva BTL, E.P fó ba D.E.I konsege atinji ona pursentu 80 (80%). Hein katak QTR ikus ne’e D.E.I bele finaliza hotu levantamentu dadus no halo nia dezeñu detalladu, nune’e bele implementa tuir planu ne’ebé trasa ona.
Diretór D.E.I akresenta hosi tarefas pursentu 80 (80%) ne’e, pursentu 29.85 (29.85%) progresu konstrusaun la’o ona, pursentu 31.34 (31.34%) maki ha hela prosesu aprovizionamentu, pursentu 20.90 (20.90%) iha hela DED no pursentu 17.91 (17.91%) mak planu hela atu bá halo levantamentu dadus ba postu-administrativu 12. Hosi progresu servisu hirak ne’e mak Diretór D.E.I nafatin husu no fó hanoin ba Enjeñeiru sira atu kontinua servisu, hodi bele finaliza lalais atividade levantamentu dadus, molok udan monu rai ou tempu udan.
Alende ne’e, durante iha enkontru ne’e mos Diretór no Enjeñeiru sira ko’alia mos kona-bá asuntu progresu pagamentu ba projetu 83 ho totál orsamentu Dolla Americano millaun 13 ($ 13 m). enkuantu projetu hirak ne’e mak projetu anteriór kuaze remata ona no falta retensaun de’it, posibilidade sei to’o tinan oin, tamba tempu retensaun balun seidauk remata. Entretantu totál projetu anteriór fahe ba parte rua, signifika parte ida finansia hosi Fundu Infraestrutura (FI) no ida seluk fundus mai hosi Liña Ministeriál.
Fahe ba Sosial Media:
