Bobonaro, 04/02/2023, Tékniku Opreadór (TO), hosi O&M Bee Timor-Leste, Empreza Públika (BTL, E.P) munisípiu Bobonaro halo intervensaun ba liña transmisaun bee matan Lugululi, Colégio, ne’ebé hetan estragus hosi dezastre naturais.
Hafoin finaliza servisu iha Lugululi, tékniku operadór sira kontinua halo intervensaun hodi muda liña transmisaun bee matan Galusapulu.
Teniku sira hetan orientasaun, hodi muda kanu/pipe ne’e, tanba identifika liña transmisaun ne’e ameasadu atu monu, kauza hosi dezastre natural, hanesan udan halo rai monu ou rai halai, ne’ebé sei afeta direta ba liña refere no bele perturba mos distribuisaun bee.
Ho dezastre naturais ne’ebé sei afeta ba liña transmisaun ne’e, mak tékniku sira tun kedas ba terrenu hodi muda imediatu liña transmisaun ne’e ba fatin seguru, hodi garante nafatin kontinuidade distribuisaun bee ba rezervatóriu Lesubote no fornesimentu bee ba konsumidór sira, iha Maliana Villa.
Fahe ba Sosial Media:
