𝐃𝐢́𝐥𝐢, 𝟎𝟓 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔. Jestór Infraestrutura Bee Timor-Leste, Empreza Públika (BTL, E.P) ho Enjeñeiru DEI akompaña hosi Supervisor BTL, E.P nian ne’ebé destakadu iha Lolotoe monitoriza projetu konstrusaun sistema bee moos no projetu pakote 𝑠𝑢𝑝𝑝𝑙𝑦 & 𝑖𝑛𝑠𝑡𝑎𝑙𝑙𝑎𝑡𝑖𝑜𝑛 𝑜𝑓 𝑝𝑟𝑒𝑓𝑎𝑏𝑟𝑖𝑐𝑎𝑡𝑒𝑑 𝑙𝑖𝑛𝑒𝑎𝑟 𝑡𝑎𝑛𝑘𝑠, iha Postu-administrativu Lolotoe, Munisípiu Bobonaro.
Atividade monitorizasaun ne'e, hodi observa direta servisu fíziku iha terrenu nomos atu hatene persentajen hosi obra ne'e rasik, nune'e atu garante kualidade projetu refere.
Bazeia ba rezultadu monitorizasaun, obra fíziku hosi projetu rua ne'e, atinji ona pursentu 100%, tanba instalasaun tanke rezervatóriu tolu finaliza ona nomos kanalizasaun bee to’o ona iha komunidade sira nia fatin, inklui montajen metru kontadór ba uma kain ida-idak no daudaun ne’e, komunidade Lolotoe hahú asesu ona bee hosi sistema kanalizasaun foun ne’e.
Benefisiáriu ba projetu sistema bee ne’e, hamutuk uma kain 187 inklui fornese mos bee ba fasilidade saúde, igreja no eskola. Tuir planu, iha tempu besik, BTL, E.P sei inaugura projetu refere, nune’e bele hahú operasaun no distribuisaun.
Fahe ba Sosial Media:
