Dili,16 Juñu 2026 - Ofisiál Jurídiku BTL, E.P, Zefrino Gusmão Rangel ho Jostór DAK Roberto Rodrigues no tekniku balun hamutuk ho autoridade komunitaria suku Bairu Pite nomos OPS halo idetifikasaun ba sidadaun ne’ebe estraga fasilidade publiku,sunu pipa line bee ne’ebe BTL,E.P kanaliza ona iha aldeia Niken suku Bairo Pite nian,hodi fornese ba konsumidór sira iha area ne'e.
Dadaun ne’e polisia komunitaria no autoridade lokal hamutuk ho BTL,E.P halo ona identifikasaun ba sidadun ne’ebe estraga fasilidade publiku,sunu pipa line bee iha aldeia Niken hodi halo prosesu investigasaun iha polisia eskuadra Dom Aleixo tuir lei ne’ebe iha.
Molok atu indentifika ba sidadaun neebe estraga fasilidade sistema bee,ekipa BTL, E.P hala’o uluk enkontru ho Xefe suku Bairo Pite, ho OPS hodi introduz prezensa BTL, E.P nian iha suku ne’e no partilla mós regulamentu sira.
Iha okaziaun ne’e, Xefe suku Bairo Pite husu ba BTL, E.P atu halo xamada no aplika multa ba komunidade sira ne’ebé identifikadu estraga fasilidade bee, wainhira sira la kumpri tenke prosesa tuir dalan legál.
Hafoin remata enkontru ho Lideransa Komunitária iha suku Bairo Pite ekipa BTL, E.P akompaña husi OPS kontinua buka tuir sidadun ne’ebe estraga fasilidade publiku no konsege hetan sidadun ne’ebe sunu pipa line ne'e no tula ba polisia eskuadra Dom Aleixo hodi tuir prosesu investigasaun tuir dalan legal.
No sidadaun ne’e rekoñese nia aktu ne’ebé nia komete katak,sidadun ne’e mk sunu dunik pipa line iha estrada publiku ne’e.
Fahe ba Sosial Media:
