Dili , 04 Setembro 2026 -Prezidente Komisaun Ezekutiva (KE) BTL, E.P, Gustavo da Cruz akompaña husi Jestór Insfraestrutura no Jestór SON ho ekipa halo inspesaun ba projetu konstrusaun melloramento sistema ba Estasaun Tratamentu Agua Residuais (ETAR) nomos instalasaun kanu bee foer ba tasi , ne’ebé konstrui hosi Kompañia Haksolok HJM Unipessoal Lda.
Alende ne’e Prezidente Komisaun Ezekutiva (KE) BTL, E.P, kontinua monitóriza mós traballadór hosi Kompañia Marc Murakelira Unipessoal Lda ,ne’ebe halo manutensaun fatin ba Estasaun Tratamentu Agua iha fatin referida.
Projetu rua ne’e implementa iha fatin ida deit iha Fatunia area suku Tibar postu Bazartete Munisipiu Liquiça.
Objetivu hosi inspensaun ba projetu ne’e hodi hare direta nia progresu servisu fiziku no hare mós obra ne’e nia kualidade iha terenu iha sesta semana ne’e.
Tuir dadus hosi tékniku sira,dadaun ne’e progresu servisu fiziku ba konstrusaun melloramento sistema ba Estasaun Tratamentu Agua Residuais (ETAR) ne’ebé konstrui hosi Kompañia Haksolok HJM Unipessoal Lda, atingi ona 51,41 %
Enkuantu projetu halo rehabilitasaun no hamos foer ba fatin Estasaun Tratamentu Agua ne’ebé implementa hosi Kompañia Marc Murakelira Unipessoal Lda dadaun ne'e , atingi ona 76,59 %.
Durante halo inspesaun, Prezidente Komisaun Ezekutiva (KE) BTL, E.P orienta ba Jestór ho ekipa tékniku sira atu halo liña kordenasaun diak ho kompañia implemetadór sira hodi finaliza tuir kontratu ne’ebé iha.
Fahe ba Sosial Media:
