Dili,08,Abril 2026-Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith, hamutuk ho Vise-Prezidente KE BTL, E.P ba Asuntu Korporativu, Manuel Tomas Amaral de Carvalho, akompanha husi Jestór insfraestrutura,ho ekipa halo enkontru ho Autoridade Lokal, lideransa komunitaria iha Postu -Administrativu Cristu Rei.
Objetivu hosi enkontru ne’e mak atu partila informasaun kona-ba implementasaun projetu konstrusaun sistema bee moos foun iha ne’ebe sei implementa iha tempu badak nia laran iha area Suku Becora no Kamea Postu-Administrativu Cristu Rei Munisipiu Dili.
Tanba ne’e antes kompanha manan na’in implementa projetu konstrusaun sistema bee mos iha area referida parte BTL,E.P halo uluk enkontru ho lideransa komunitaria sira hodi fó informasaun ne’ebe adekuadu nune wanhira projetu ne’e lao bele finaliza ho diak.
Durante enkontru ne’e Vise-Prezidente KE BTL, E.P ba Asuntu Tékniku husu ba Autoridade Lokal no lideransa komunitariu,no parte relevante sira hotu atu servisu hamutuk hodi fó apoiu ba kompanha ne’ebe sei implementa projetu sistema beemos iha Suku Becora ho Camea ne’e . Nune’e, implementasaun projetu sistema bee moos bele lao ho diak to’o finaliza no la iha impedimentu ruma husi sidadun sira.
Durante iha enkontru ne’e, lideransa suku sira hato’o sira-nia rekomendasaun no sujestaun balun ba BTL,EP no Parte BTL,E,.anota hela no apela ba komunidade sira atu labele laran susar kona-ba konstrusaun sistema bee ne’ebe sei kobre iha area suco Kamea no Becora nian no projetu ne’e sei fo benefísiu bee direta ba uma kain 1,000 resin no sistema bee moos ne’e sei hakman komunidade nia halerik ba bee no hadi’a kualidade moris.
Fahe ba Sosial Media:
