Baucau , 24 Jullu 2026 -Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith, ho Vise Prezidente Komisaun Ezekutiva (KE) BTL, E.P, ba asuntu Korporativu Manuel Tomás Amaral de Carvalho akompaña hosi Diretór Enjenaria no Investimentu (DEI) João da Cruz Cardoso , Jestór Insfrastrutura Legal BTL,E.P no Kordenadóra BTL,E.P Munisipiu Baucau ho ekipa halo dialogu ho autoridade lokal no komunidade sira inklui kompañia ne’ebé implementa projetu sistema beemos iha postu administrativu Baguia Munisipiu Baucau.
Objetivu hosi dialogu ne’e oinsa parte BTL,E.P bele rezolve problema sosial ne’ebe dadaun ne’e kompañia implementadór ho autoridade lokal no komunidade sira imfrenta iha terenu hodi buka solusaun.
Durante dialogu ne’e parte autoridade lokal no komunidade sira konkorda no prontu atu kopera ho kompañia hodi kontinua implementa projetu fornesimentu beemos iha postu refere to’o finaliza.
Atividade ne’e hala’o iha suku Alawa Kraik postu administrativu Baguia Munisipiu Baucau sesta semana ne’e.
Iha biban ne’e Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith,husu nafatin ba autoridade lokal no komunidade iha postu refere atu kopera ho kompañia implementadór ne’e hodi bele finaliza projetu sistema bemos iha postu refere hodi nune bele kontinua distribui bee ba komunidade sira no mós ba edifisiu administrasaun postu Baguia no postu Saude,inklui postu polisia eskuadra Baguia no eskola sira iha postu referida.
Iha tempu hanesan Vise -Prezidente Komisaun Ezekutiva (KE) BTL, E.P, ba asuntu Korporativu Manuel Tomás Amaral de Carvalho informa dezenvolvimentu insfrastrutura bazika ne’ebe governu implementa iha suku no postu to’o munisipiu sempre iha nia konsekuensia tanba komunidade sira balun tenke oferese rai pedasuk ida atu kanu kanalizasaun bele liu husi uma oin nune bele fornese bee ba komunidade sira ho diak.
No mós husu ba autoridade lokal no komunidade atu kopera nafatin ho kompañia implementadór iha fatin ne’e hodi bele finaliza projetu ne’e ho diak
Depois de halo dialogu ho autoridade lokal, komunidade no kompañia iha fatin referida Vise -Prezidente Komisaun Ezekutiva (KE) BTL, E.P,asuntu Korporativu akompaña husi Diretór no Jestór Insfreastrutura ho kordenadóra BTL,E.P Baucau ho ekipa tekniku sira kontinua halo observasaun ba kanu kanalizasaun beemos ne’ebé kompañia instala ona no observa mós tanki antigu ida iha postu referida.
Fahe ba Sosial Media:
