Aileu ,30 Jullu 2026 -Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith no Vise-Prezidente (KE) BTL, E.P ba Asuntu Korporativu, Manuel Tomas Amaral de Carvalho hamutuk ho Diretór Operasaun no Manutensaun (DOM) Aleixo Dos Santo,ho Ofisiál Legál BTL, E.P, no akompaña hosi kordenadór BTL,E.P Aileu ho ekipa halo sosializasaun ba komunidade sira hodi fahe informasaun kona-ba regulamentu ne’ebé abrigu iha Dekretu Lei no mós Diploma Ministeriál kona-bá tabela tarifária,proibisaun ba koneksaun ilegál,no kritéria atu sai kliente BTL, E.P nian.
Iha atividade sosializasaun ne’e, Ekipa Tekniku BTL, E.P partilha informasaun detalla kona-ba Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”.
Objetivu husi sosializasaun ne’e oinsa bele partilha uluk informasaun kona-ba servisu BTL, E.P nian no regulamentu sira ne’ebé sita ona iha leten ba komunidade sira,hodi nune’sira bele entende ho diak,no mós kontinua husu sira-nia kolaborasaun no apoiu,antes tékniku sira tun ba halo servisu melloramentu sistema kanalizasaun bee,iha Area Suku Aisirimou Postu-Administrativu Aileu vila ,Munisípiu Aileu, Kinta semana ne’e.
Durante halo solsializasaun,Vise-Prezidente KE BTL,E.P ba Asuntu Tékniku hateten Antes Ekipa BTL,E.P atu halo kanalizasaun sistema beemos hodi fornese bee ba komunidade sira ekipa tékniku sira sei hare uluk bee nia volume hodi koko bee nia presaun no kapasidade.Depois de ida ne’e ekipa tékniku sira kontinua sei lori bee nia sampel hodi koko iha laboratórium BTL EP hodi nune komunidade sira bele konsumu bee ho kualidade.
Alen de ne’e Vise-Prezidente KE BTL,E.P ba Asuntu Tékniku reforsa presensa BTL, E.P iha suku Aisirimou ne’e atu partilla uluk regulamentu no kritéria sira no informa uluk ba lideransa komunitária polisia no komunidade sira, hodi bele hetan apoia,wainhira tékniku sira tun halo servisu iha terrenu, labele iha intervensau ruma ou halo impedementu ba servisu tékniku BTL nian iha fatin ne’e hosi komunidade.
Iha okaziaun ne’e mós Vise-Prezidente (KE) BTL, E.P ba Asuntu Korporativu,informa Beemos ne’ebe BTL,E.P oferese ba komunidade sira ne’e nia kualidade la, hanesan ho komunidade sira fura rasik ne’e,tanba antes atu distribui bee ba komunidade sira ekipa tekniku BTL,E.P sei halo tratamentu adikuada iha tanki rezervatoriu hotu foin bele halo distribuisaun ba komunidade sira hodi konsumu.
Alen de ne’e Vise-Prezidente (KE) BTL, E.P ba Asuntu Korporativu mós preokupa ho partisipasaun komunidade nian iha atividade sosializasaun ne’e,tanba maioria komunidade sira la hola parte iha atividade sosializasaun ne’e tanba ne’e husu ba Autoridade Lokal no komunidade sira ne’ebe partisipa iha atividade sosializasaun ne’e atu kontinua fahe mós informasaun ne’e ba komunidade ne’ebe la partisipa iha atividade ne’e.
Durante sosializasaun ne’e lider komunitaria no komunidade sira hato’o mós sira nia preokupasaun,balun kona-ba probleme bemos iha suku ne'e no BTL, E.P fó kedas resposta kona-ba preokupasaun hirak ne’e.
Partisipa iha atividade sosializasaun ne’e,Reprezentante Prezidente Autóridade Munisipiu Aileu ho Reprezentante Komandante PNTL Munisipiu Aileu Lideransa Komunitária,komunide sira, no Reprezentante PNDS Aileu inklui Estudante Estajariu UNTL hosi Fakuldade Ekonómia ne’ebe halo estajiu iha Suku Aisirimou.
Enkuantu Total komunidade uma kain ne’ebe sei hetan sistema beemos hosi BTL,E.P hamutuk 76 ho total Populasaun hamutuk 482.
Fahe ba Sosial Media:
