D𝐢́li,27/03/2026.Vise-Prezidente Komisaun Ezekutiva (KE)Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith,hamutuk ho Jestór DAK ho nia ekipa no, Ofisiál Legál BTL, E.P,halo sosializasaun ba komunidade sira hodi partilha uluk informasaun kona-ba regulamentu ne’ebé abrigu iha Dekretu Lei no mós Diploma Ministeriál kona-bá tabela tarifária,proibisaun ba koneksaun ilegál,no kritéria atu sai kliente BTL, E.P nian.
Iha atividade sosializasaun ne’e, Ekipa Tekniku BTL, E.P partilha informasaun detalla kona-ba Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”.
Objetivu husi sosializasaun ne’e oinsa bele partilha informasaun kona-ba servisu BTL, E.P nian no regulamentu sira ne’ebé sita ona iha leten ba komunidade sira,hodi nune’sira bele entende ho diak,no mós kontinua husu sira-nia kolaborasaun no apoiu,antes tékniku sira tun ba halo servisu melloramentu sistema kanalizasaun bee,iha Aldeia Rumit,iha Area Suku Becora ,Postu-Administrativu Kristu-Rei,Munisípiu Díli, Sesta semana ne’e.
Durante halo solsializasaun,Vise-Prezidente KE BTL,E.P ba Asuntu Tékniku hateten,presensa BTL, E.P iha Aldea Rumit ne’e atu partilla uluk regulamentu no kritéria sira no informa uluk ba lideransa komunitária OPS no komunidade sira, hodi bele hetan apoia,wainhira tékniku sira tun halo servisu iha terrenu, labele iha intervensau ruma ou halo impedementu ba servisu tekniku BTL nian iha fatin ne’e hosi komunidade.
Alen de ne’e Vise Prezidente Asuntu Tekniku mós preokupa ho partisipasaun komunidade nian iha atividade sosializasaun ne’e,tanba maioria komunidade sira la hola parte iha atividade sosializasaun ne’e tanba ne’e husu ba Autoridade Lokal no komunidade sira ne’ebe partisipa iha atividade sosializasaun ne’e atu kontinua fahe mós informasaun ne’e ba komunidade ne’ebe la partisipa iha atividade ne’e nune wanhira ekipa tekniku sira halo melloramentu sistema kanalizasaun bee iha aldeia ne’e labele halo inpedemntu tanba ekipa sei desmantela hotu koneksaun ilegál sira, hodi halo ligasaun foun nomos monta metru kontadór ba uma kain sira, nune’e komunidade sira bele uza bee ho diak.
Durante sosializasaun ne’e Autoridade Lokal no komunidade sira hato’o preokupasaun,no rekomendasaun balun liga ho probleme bemos iha aldeia ne'e no BTL, E.P fó kedas resposta atu rezolve preokupasaun Komunidade nian ne’e iha tempu badak.
Partisipa iha atividade sosializasaun ne’e,Komandante Polisia Eskuadra Kristu-Rei ,Polisia OPS,Lideransa Komunitária no komunide sira iha Aldeia Rumit Suku Becora .
Fahe ba Sosial Media:
