Dili , 29 Jullu 2026- Vise-Prezidente KE BTL, E.P ba Asuntu Tékniku, José Filipe Ximenes Smith, akompaña hosi Diretór DEI, João da Cruz Cardoso,Jestór Insfraestrutura halo observasaun progresu servisu ba instalasaun kanu distribuisaun ne’ebe dadaun ne’e kompañia Naveen Unip Lda implementa iha aldeia Lases Suku Camea Postu-Administrativu Cristu Rei Munisipiu Dili Kuarta semana ne’e.
Atividade monitórizasaun ba projetu ne’e,hodi observa direta projetu fíziku iha terrenu, no halo liña kordenasaun mós ho kompañia implementadór iha fatin ne’e nune’e bele garante nia kualidade.
Alende ne’e Ekipa BTL,E.P mós halo kordenasaun ho komunidade iha area referida atu kopera hamutuk ho kompañia hodi finaliza obra ne’e ho diak.
Fó hanoin katak projetu kanalizasaun sistema beemos iha aldeia Lases ne’e, kompañia hahu implementa iha loron 21 fulan Jullu tinan 2026 no dadaun ne’e kompañia instala ona kanu kanalizasaun kuaze metru 350 ona.
Fahe ba Sosial Media:
