Atauro , 17 Jullu 2026 -Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith no Diretór Enjeñaria no Investimentu (DEI) João da Cruz Cardoso, akompaña Sua Eselénsia Secretáriu Estadu ba Eletrisidade, Água no Saneamentu (SEEAS), Santos Noronha ,halo reuniaun ba liña koordenasaun ho Autoridade Administrativu Atauro antes implementa projetu melloramentu sisitema beemos iha Atauro.
Objetivu prinsipál husi enkontru ne’e atu reforsa koordenasaun entre Autoridade Administartivu Atauro no Governu Sentrál, espesiálmente ba setór esensial tolu: Eletrisidade, Bé no Saneamentu.tanba servisu sira ne’e liga direta ba komunidade nia moris loro-loron.
Alen de ne’e mós akompaña ekipa tékniku husi FEDA halo aprezentasaun kona-ba planu implementasaun fornesimentu beemos husi bematan Maquer ba komunidade Atauro.
Relasiona ho aprezentasaun ne’e governu sei esforsu oinsa mak bele buka nia solusaun atu nune komunidade iha Zona Administrativu Atauro labele preokupa ba bemoos iha futuru.
Fahe ba Sosial Media:
