Baucau , 25 Jullu 2026 - Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, Vise-Prezidente KE BTL, E.P ba Asuntu Tékniku, José Filipe Ximenes Smith, Vise-Prezidente KE BTL, E.P ba Asuntu Korporativu, Manuel Tomas Amaral de Carvalho, hamutuk ho Diretór Administrasaun no Finansas Sidónio Freitas DAF, Diretór DEI, João da Cruz Cardoso,Diretór DOM Aleixo Dos Santos,Jestór Insfrastrutura Koordenadóra BTL, E.P Munisípiu Baucau ho ekipa tekniku sira akompaña S.E Ministru Obras Públikas (MOP), Samuel Marçal no S.E Primeiru-Ministru (PM), Kay Rala Xanana Gusmão Ministru Obras Públikas (MOP), Samuel Marçal ofisialmente lansa no assina kontratu projetu rehabilitasaun estrada urbana iha kapital postu administrativu Venilale.
Seremonia ne’e realiza iha, Suku Alawa Kraik,Postu-Administrativu Venilale Vila,Munisipíu Baucau iha Sabadu semana ne’e.
Hafoin lansamentu projetu ne’e Primeiru Ministro husu ba autoridade lokal no komunidade sira atu kopera ho kompañia hodi nune projetu ne’e bele finaliza ho diak no kontinua husu ba komunidade sira atu hari paz no estabilidade hodi simu dezenvolvimentu insfrastrutura iha rai venilale,dehan PM “
Xefe Governu kontinua hatete,ohin ita ne’ebé sei moris tenke kontinua ezerse ita-nia servisu no responsabilidade hodi rai no povu ida-ne’e.
Iha fatin hanesan Ministro Obras Publikas informa, Infraestrutura Baziku hanesan estrada, bee moos no eletrisidade sai hanesan komprimisiu ida husi IX Governu Konstitusionál hodi kria baze ba dezenvolvimentu povu no nasaun liuhusi hadi'ak sistema transporte no mós sistema fornesimentu bee moos ba komunidade sira.
Preszidente Autoridade Munisípiu Baukau, Veneranda Eurico Lemos Martins, reprezenta komunidade sira iha postu Venilale, hato'o beinvindu ba Governu Sentrál, ne'ebé nafatin kria dezenvolvimentu ba teritóriu Timor-Leste Tomak, inklui ida maka munisípiu Baukau
"Ami Baukau hato'o agradese tamba, hahú keda iha fulan-Fevereiru halo lansamentu estrada urbana iha Baukau, to'o agora nafatin halo lansamentu ba Venilale, maske neneik, maibé bebeik, tamba ne'e ita tenke hatudu ita-nia unidade no estabilidade", PAM Baukau relata.
Enkuantu projetu rehabilitasaun estrada urbanu ne’e implementa husi kompañia HXF Huaxin Holding, Lda ho durasaun tempu tinan ida no orsamentu hamutuk $3,715,130.09.
Fahe ba Sosial Media:
