Dili ,09 Setembru 2026 - Vise-Prezidente KE BTL, E.P ba Asuntu Tékniku, José Filipe Ximenes Smith akompaña hosi Diretór Operasaun no Manutensaun (DOM) Aleixo Dos Santos no Diretór Administrasaun Finansas (DAF) Sidonio Freitas,Jestór Departamentu Controlu Qualidade no Ambientál (DCQA) Jestór produsaun no Jestór Distribuisaun hamutuk ho kordenadór/a BTL,E.P Munisipiu 11 ho ekipa tékniku BTL,E.P halo reuniaun ho Sekretáriu Estadu Eletrisidade,Bee no Saneamentu (SEEAS) hodi koalia kona-ba progresu servisu nomos dezafiu sira,ne’ebé parte ekipa tékniku BTL,E.P Nasional ho Munisipiu sira durante ne’e hasoru iha terenu.
Durante Reuniun Sekretáriu Estadu Eletrisidade, Bee no Saneamentu (SEEAS) husu ba Diretores no Jestór sira inklui kordenadór/a BTL,E. Munisipiu sira halo servisu atu hatudu profisionalismu hodi rezolve komunidade nia preokupasaun kona-ba beemos.nomos halo liña kordenasaun diak ho kompañia implementadór sira ne’ebé halo projetu alargamentu estrada iha terenu nune la bele afeta ba sistema kanalizasaun bee ne’ebé ezisti ona.
Alende ne’e SEEAS mós husu ba Diretore no Jestór sira inklui kordenadór/a BTL,E.P Munisipiu sira atu hato’o pedidu ba Gabineti SEEAS liga ba problema servisu fornesimentu beemos ne’ebé ekipa tékniku sira hasoru iha terenu.
Partisipa iha reuniaun ne’e partisipa mós hosi Sefi Gabineti SEEAS no Asesor sira.
Fahe ba Sosial Media:
