Manatuto 02 Outobru 2026 - Vise-Prezidente KE BTL, E.P ba Korporativu, Manuel Tomás Amaral de Carvalho, akompaña Vise-Ministru Infraestrutura Julio do Carmo,partisipa iha serimónia Inaugurasaun ba Jardim Prezidente Repúblika, Nicolau dos Reis Lobato iha Suku Manlala Postu -Administrativu Soibada,Munisipiu Manatuto,Sesta semana ne’e.
No serimónia inaugurasaun Estatua Jardim Prezidente Repúblika, Nicolau dos Reis Lobato ne’e ofisiálmente inaugura husi Sua Eselénsia Prezidente Repúblika Jose Ramos Horta.
Hafoin halo inaugurasan ba jardim ne'e,Prezidente Repúblika Jose Ramos Horta ho entidades Estadu, kontinua tau aifunan iha Estatua Prezidente Repúblika,Nicolau dos Reis Lobato hodi fó onra.
Jardín no Estatúa, ne’ebé harii iha Postu-Administrativu Saibada ne’e hodi fó onra ba memória Saudozu Eroi Nasionál Nicolau Lobato.
Fó hanoin katak konstrusaun ba Jardín foun ne’e, espasu modernu ida ne’ebé inklui estatúa ida, bee-matan, área ba lazer no asesu Wi-Fi, hetan finansiamentu privadu husi Prezidente Repúblika, Jose Ramos-Horta, ho família, hamutuk rihun 14, la uza Orsamentu Jerál Estadu (OJE).
Projetu ne’e hetan de’it apoiu lojístiku husi Obras Públikas, liuhusi disponibilidade ekipamentu todan atu prepara terenu, no involve ativamente foin-sa’e sira iha rejiaun ne’e liu husi esforsu servisu komunitáriu.
Durante serimónia Inaugurasaun ne’e Prezidente Repúblika Jose Ramos Horta fahe mós sertifikadu apresiasaun ba ekipa trabailladór sira,ne’ebe konstrui Jardim Prezidente Repúblika, Nicolau dos Reis Lobato iha fatin referida.
Partisipa iha serimónia Inaugurasaun Jardim Prezidente Repúblika, Nicolau dos Reis Lobato ne’e Tanente maijor Jeneral Falur Rate Laek , Komisaria PNTL Membru Parlamentu intituisaun Militar no Polisia Autoridade Lokal no Komunidade iha Postu – Administrativu Soibada Munisipiu Manatuto.
Fahe ba Sosial Media:
