Dili,13/03/2026.Vise-Prezidente (KE) BTL, E.P ba Asuntu Korporativu, Manuel Tomas Amaral de Carvalho ho Diretór Operasaun no Manutensaun (DOM) Aleixo Dos Santos Partisipa iha Enkontru kona-ba Grupo de Trabalhu ba Alterasaun lei kona-ba mudansa Klimatika.
Informasaun ba projetu liga ba alterasaun lei kona-ba mudansa klimatika ne’ebe agora dadaun implementa hela, no planu mós ba oin atu implementa husi Instituisaun Governu,Agensia Internasional NGO,no sosiedade Sivil sira.
BTL,E.P nia presensa iha enkontru ne’e atu bele rona informasaun husi Grupo de Trabalhu ba Alterasaun lei kona-ba mudansa Klimatika, tanba fó mós impaktu ba Mudansa klimatika ba jestaun rekursu bee inklui oinsa politika relevante sira, iha setór bee nian bele servisu hamutuk hodi rezolve kestaun hirak ne’e.
Iha okaziaun ne’e Vice-Prezidente BTL, E.P ba Asuntu Korporativu, Manuel Tomas Amaral de Carvalho Esplika mós kona-ba sistema bee moos ne’ebe antes ne’e iha ona Atauro hodi fornese ba komunidade sira, Suku Maumeta Beloi no Bequili, Postu-Administrativu Atauro.
No tuir planu Ekipa BTL,E.P sei halo tan porfurasaun bee ida iha Postu Atauro hodi nune bele ajuda tan sistema ne’ebe dadaun ne’e iha ona, hodi fornese bee ba komunidade sira iha fatin ne’eba ho diak liu tan.
Alen de ne’e Ekipa BTL,E.P sei halo mós teste no tratamentu ba bee iha tanki rezervatóriu sira antes atu distribui ba komunidade sira hodi konsumu.
Durante enkontru ne’e parte Dirasaun Nasional Regulasaun Agua e Saneamentu (DNRAS) aprezenta mós mapamentu rekusrsu konservasaun no impaktu mudansa klimatika ba jestaun rekursu bee, inklui oinsa politika relevante sira iha setór bee nian bele servisu hamutuk hodi rezolve kestaun hirak ne’e. Aumezmu tempu aprezenta mós kona-ba dadus mediasaun bee, iha rai okos, rai leten no halibur udan ben.
Iha parte seluk DNAC mós halo aprezentasaun rezultadu no progresu ba projetu Alterasaun kona-ba lei ba mudansa klimatika iha Timor Leste liu-liu iha area rural sira,
Enkontru ne’e partisipa husi Instituisaun Governu no Parseiru Dezenvolvimentu ne’ebe servisu iha setór Alterasaun lei ba mudansa Klimatika.
Fahe ba Sosial Media:
