Dili, 22 Abril 2026 . Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith, akompania hosi Diretór Enjenaria no Investimentu (DEI),João da Cruz Cardoso, iha kuarta feira ne’e hola parte iha diskusaun téknika kona-ba prosesu kontrusaun Jardim Frente Marítima, iha Salaun enkontru CCD Markadu Lama , ne’ebé organiza husi Ministériu Turismu Ambiente, atu asegura kualidade no sustentabilidade projetu.
Iha diskusaun ne’e, koalia mós kona ba preparasaun dadus sira hodi fornese molok aprezenta ba empreza husi xina ne’ebe sei responsabiliza obra ne’e.
No Diskusaun ne’e mós foka ba koordenasaun entre instituisaun relevante sira atu asegura prosesu konstrusaun lao tuir planu no evita atrasu iha futuru.
Fó hanoin katak iha loron 19 fulan Dezembru 2025, Governu Timor-Leste (TL) liu husi Vise-Primeiru-Ministru (VPM), Ministru Koordenadór ba Asuntu Ekonómiku (MTA) no Ministru Turizmu no Ambiente (MTA), Francisco Kalbuadi Lay, ho Governu Repúblika Populár Xina asina ona akordu kona ba Projetu Renovasaun Terraplén Kosteira no Projetu Jardin Estilu Xinés Palásiu Prezidensiál.
Enkuanto Projetu Renovasaun Terraplén Kosteira ka jardim maritima ne'e hahú husi jardin Motael to'o Praia dos Coqueiros.
Partisipa Iha enkontru ne’e mak Ekipa Tekniku husi Ministeriu Turismu Ambiente (MTA) Rasik,Ministeriu Obras Publkas (MOP),Ministeriu Justisa (MJ), Azensia Dezenvolvimento Nasional (ADN), Elektrisidade De Timor Leste (EDTL),no Bee Timor Leste Empreza Publika (BTL,E.P.
Fahe ba Sosial Media:
