Dili , 15 Outubru 2026 -Vise-Prezidente KE BTL, E.P ba Asuntu Tékniku, José Filipe Ximenes Smith no Vise-Prezidente KE BTL, E.P ba Asuntu Korporativu, Manuel Tomás Amaral de Carvalho, akompaña husi Diretór Enjenaria no Investimentu (DEI) João da Cruz Cardoso , Partisipa iha diskusaun kona-ba Timor-Leste Country Climate and Development Report (CCDR) ne’ebé aprezenta husi Grupu Banku Mundial nia ekipa, iha Edifisiu WBG, Lesidere Dili Kinta semana ne’e.
Iha sesaun diskusaun ne’e partisipante sira koalia liga ho Timor-Leste Country Climate and Development Report (CCDR), liuliu Pathway Agrikultura, peskas no moris-produtivu iha área rurál, diskusaun ne’e liga risku klimátiku ho sustentabilidade fiskál, kresimentu ekonómiku, kriasaun empregu, redusaun pobreza no reziliénsia.
Durante halo diskusaun,ekipa husi Grupu Banku Mundial mós husu feedback no kontribuisaun husi Governu molok relatóriu ne’e finaliza.
Partisipa iha enkontru,diskusaun ne’e mai husi Reprezentante Ministériu Obras Públikas,(MOP) PMU-Watsan , Bee Timor-Leste, Empreza Públika (BTL, E.P), Ministériu Dezenvolvimentu Rurál no Abitasaun Komunitária,(MDRAK), Ajénsia Dezenvolvimentu Nasionál Institutu Públiku (ADN,I.P) Diresaun Nasionál Reguladór Agua no Saneamentu (DNRAS) no Autoridade Protesaun Civil (APC).
Fahe ba Sosial Media:
