Bobonaro,19 Setembru 2026 - Prezidente Komisaun Ezekutiva (KE) BTL, E.P, Gustavo da Cruz, hamutuk ho Vise-Prezidente KE BTL, E.P ba Asuntu Korporativu, Manuel Tomás Amaral de Carvalho , Diretór Enjeñeiru no Infraestrutura (DEI ), João da Cruz Cardoso ho ekipa tekniku sira akompaña Ministru Obras Públikas, Samuel Marçal, Partisipa iha Serimónia Lansamentu Fatuk Dahuluk ba Projetu Rehabilitasaun estrada Lontas ba Lolotoe vila Sabadu semana ne’e.
Depois de halo lansamentu projetu rehabilitasaun ne’e Ministru Obras Públikas Samuel Marçal husu ba Autoridade Lokal, no Lider Komunitaria ho komunidade sira iha Postu Administrativu Lolotoe atu kopera ho kompania ne’ebe halo rehabilitasaun estrada iha fatin refere nune bele finaliza projetu ne’e ho kualidade tuir kontratu ne’ebe iha hodi fó benefísiu ba populasaun iha postu refere.
Partisipa iha serimónia ne'e Membru Governu,Membru Parlamentu Nasionál,Prezidente Autoridade Munisípiu Bobonaro,Padre no Madre sira, Autoridade Lokál, Líder Komunitáriu, no Estudante sira.
Enkuantu projetu rehabilitasaun estrada ne’e ho distansia hamutuk kilo metru 8 ho nia orsamentu hamutuk $ 11,979,891,30.
No projetu ne’e implementa hosi kompañia Internasiona Jiangsu Ruiwo Constrution Group co LTD China ho durasaun tempu tinan ida resin
Fahe ba Sosial Media:
