Bobonaro , 28 Jullu 2026- Vise-Prezidente KE BTL, E.P ba Asuntu Korporativu, Manuel Tomas Amaral de Carvalho partisipa iha komemorasaun loron mundiál Ai-Parapa nian iha Lagoa Bemalae, Suku Saniri, Postu - Administrativu Atabae, Munisípiu Bobonaro, Tersa semana ne’e.
Loron Mundial Ai-parapa ne’e rasik selebra kada tinan iha loron 26 dé Jullu, subliña importánsia kritika ekolojia, ekonómiku no sosiál husi ekosistema Ai-Parapa (mangál), liuliu ba reziliensia klimátika, protesaun tasi, konservasaun biodiversidade no meiu moris ne'ebé sustentavel.
Atividade nee rasik realiza tanba servisu hamutuk entre, Ministeriu da Agricultura, Pecuaria, Pesca é Florestas servisu hamutuk ho Prezidente Autoridade Munisipiu Bobonaro no Parseiru Dezenvolvimentu Conservasaun Internasonál Timor-Leste - Kiwa RESTORE mak sai nain, ba programa komemorasaun Loron Mundiál Ai-parapa ba dala 4, ne’e rasik realiza iha lagoa Bemalae, Suku Sanirin, Postu Administrativu Atabae, Munisípiu Bobonaro.
Komemorasaun loron mundiál Ai parapa ne’e rasik ho nia tem "Solusaun Bazeia ba Natureza, Proteje ekosistema Ai-parapa tuir matenek lokál ba habali vida moris.”
Iha komemorasaun loron mundiál ne’e, komemora ho kuda Ai-Parapa oan, ho total 6.000, hosi partisipante sira iha área lagoa Bemalae.
Hafoin kuda ai-oan, Vise II Primeiru Ministru, Mariano Assanami Sabino liu hosi ninia intervensaun hato’o agradesimentu ba Ministériu Agrikultura Floresta Peska no Pekuária, ho komunidade Sanirin, tanba bele realiza komemorasaun loron mundial Ai-Parapa ho di’ak.
Iha biban ne’e Vise Primeiru Ministro II ne’e husu mós ba autoridade sira iha munisípiu bobonaro bele kordena diak ho komunidade sira hodi bele proteze fatin hirak ne’ebé mak kuda ona ai-parapa oan.
Seremónia ne’e komemorasaun loron mundiál Ai-Parapa ne’e partisipa husi , Vise Primeiru Ministru II, Ministru Agrikultura, Sekretáriu Estadu Terras Propriedades, Sekretáriu Estadu Peskas, Sekretáriu Estadu Pekuária, DMC, Komandante PNTL, Munisípiu Bobonaro, Reprezentante Prezidente Autoridade Munisípiu Bobonaro, Administradór Postu Administrativu Atabae, Lideransa komunitária, Estudante universitáriu inklui estudante no peskizadór hosi Universidade Gadjamada, no komumidade sira.
Fahe ba Sosial Media:
