Dili, 14 Jullu 2026 - Prezidente Komisaun Ezekutiva (KE) BTL, E.P, Gustavo da Cruz, partisipa iha reuniaun interministerial,ho tema “Konfirmasaun no Validasaun ba Planu Médiu Prazu Governu ba 2027-2030.” iha ne’ebe lidera husi Vise-Primeiru Ministru, Ministru Koordenadór ba Asuntu Sosial Eng.Mariano Assanami Sabino akompaña husi Ministru Planeamentu no Investimentu Estratéjiku, Gastão de Sousa, iha salaun CCD Merkadu Lama Tersa semana ne’e.
Objetivu husi reuniaun ne’e hodi halo konfirmasaun finál kona-bá esbosu planu médiu prazu Governu nian ba tinan 2027 to’o 2030 ba pilár kapital sosial no Dezenvolvimentu rekursu humanu hodi análiza no halo diskusaun,molok aprezenta iha Konsellu Ministrus atu halo apresiasaun.
Durante enkontru ne’e, iha mós aprezentasaun hosi tékniku profisionál ligadu ho esbosu planu médiu prazu tinan 2027-2030 iha pilár kapital sosial nian.
Iha reuniaun interministeriál ne’e,marka prezensa mós hosi Primeiru-Ministru (PM), Kay Rala Xanana Gusmão, Vise-Primeiru Ministru,Ministru kordenadór ba Asuntu Ekonomia,Ministra Finansas, Ministra Edukasaun no membru Governu balun inklui entidades relevante sira.
Fahe ba Sosial Media:
